डाळ-ढोकळी-Dal Dhokli

Read this recipe in English 

सर्व्हिंग: २ ते ३ माणसे

साहित्य :
ढोकळीसाठी-

१ १/२ कप गव्हाचं पीठ

१ १/२ टीस्पून तीळ

१/४ टीस्पून ओवा

१/४ टीस्पून धनेपूड

१/४ टीस्पून जिरेपूड

१/२ टीस्पून लाल तिखट

१/२ टीस्पून हळद

१ टीस्पून साखर

३/४ टीस्पून मीठ

आमटीसाठी-

१  कप तुरीची डाळ

१ मुठ शेंगदाणे

१ हिरवी मिरची

१/२ टीस्पून हळद

१ १/२ टीस्पून लाल तिखट

३ टीस्पून गूळ

१/२  टीस्पून धनेपूड

१/२ टीस्पून जिरेपूड

२-३ आमसुलं

फोडणीसाठी- ( १ टेबलस्पून तूप, १/४ टीस्पून मोहरी,१/२ टीस्पून जिरे,३-४ लवंगा,६-७ काळी मिरी,
१" दालचिनीचा तुकडा,५-६ कढीपत्ता पाने,१/४ टीस्पून हिंग)

कृती :

१. आमटीसाठी-
कुकरमध्ये तुरीची डाळ, शेंगदाणे आणि हिरवी मिरची एकत्र शिजवून घ्या. डाळ शिजली कि घोटून घ्या.

२. त्यात ६ कप पाणी घाला. हळद, तिखट,धनेपूड, जिरेपूड, गूळ, मीठ,आमसुलं घालून उकळून घ्या.

३.फोडणीच्या कढईत तूप गरम करून आधी मोहरी घाला. मोहरी तडतडली कि जिरे आणि लवंग,मिरी,दालचिनी घाला.शेवटी कढीपत्ता आणि हिंग घालून आमटीला वरून फोडणी द्या.

४. ढोकळीसाठी-
गव्हाच्या पिठात हळद, तिखट,धनेपूड, जिरेपूड, तीळ, ओवा, मीठ, साखर घालून नीट मिक्स करून घ्या. १ टीस्पून तेल (थंड मोहन) घाला आणि पुरेसे पाणी घालून पीठ चांगल्या प्रकारे मळून घ्या. १/२ तास पीठ झाकून ठेवा म्हणजे चांगले मुरेल.

५. पीठाचे ३-४" चे गोळे करून पोळी लाटून घ्या. आणि सुरीने शंकरपाळ्यांच्या आकारात कापून घ्या. पोळी जास्ती पात्तळ लाटू नका.साधारण २-३mm जाडी ठेवा.

६. कापलेल्या शंकरपाळ्या (ढोकळी) उकळत्या आमटीत सोडा आणि ३-४ मिनिटे उकळत ठेवा. आमटी थोडी पात्तळच करा ढोकळी गव्हाच्या  पिठाची असल्यामुळे नंतर आमटी जाड होते.

७. बाउलमध्ये वरती तूप घालून गरम गरम डाळ ढोकळी सर्व्ह करा.