चवळीची उसळ-Chavlichi Usal

Read this recipe in English
सर्व्हिंग: ३ ते ४ माणसांसाठी 

साहित्य:

१ कप चवळी
१/२ कप बारीक चिरलेला कांदा
१ टीस्पून लाल तिखट
१/४ टीस्पून गरम मसाला
१/२ टीस्पून हळद
१/२ टीस्पून मोहरी
१/४ टीस्पून हिंग
२ टेबलस्पून कोथिंबीर
१ चिमुट आमचूर
१/४ टीस्पून साखर
मीठ चवीप्रमाणे 

कृती: 

१. चवळी ८-१० तास पाण्यात भिजत घाला.नंतर भिजवलेली चवळी कुकरमध्ये दीड पट पाणी आणि १/४ टीस्पून मीठ घालून मऊसर शिजवून घ्या. कुकरच्या १ किंवा २ शिट्या करा. चवळी जास्ती शिजली कि त्याचा लगदा तयार होतो, त्यामुळे जास्ती शिट्ट्या करू नका.
२. कढईत तेल गरम करा. तेल तापले कि मोहरी घाला. मोहरी तडतडल्यावर हिंग घालून कांदा फोडणीला घाला. २-३ मिनिटे कांदा चांगला परतून घ्या.

३. हळद आणि लाल तिखट घालून परता. मग कुकरमध्ये शिजवलेली चवळी घालून परता. चवळी बरोबर उरलेले पाणी घाला.
४. आमचूर,गरम मसाला,कोथिंबीर आणि चवीपुरती थोडीशी साखर आणि मीठ घालून ढवळा. झाकण ठेवून उकळी काढा.
५. ५-७ मिनिटे उकळल्यावर गॅस बंद करा. वाफ मुरली कि जरावेळानी पोळी बरोबर सर्व्ह करा.