ओनिअन उत्तपा-Onion Uttapum

Read this recipe in English
सर्व्हिंग: ४-५ उत्तपा

साहित्य:
१/२ कप उडदाची डाळ + १ १/४ कप तांदूळ/ इडली रवा
२ कप बारीक चिरलेला  कांदा
१/४ कप कोथिंबीर
२ हिरव्या मिरच्या बारीक चिरून
१ टोमॅटो  बारीक चिरून (आवडीप्रमाणे)
मीठ चवीप्रमाणे
१/४ कप तेल

पूर्वतयारी : उडदाची डाळ आणि तांदूळ वेग-वेगळ्या पातेल्यात ४-५ तास भिजत घाला. डाळ पूर्ण भिजली कि मिक्सरवर १/४ कप पाणी घालून बारीक वाटून घ्या. तांदूळ बारीक वाटून घ्या. दोन्ही वाटणे एकत्र करून नीट ढवळून घ्या. मिश्रण थोडेसे जाड असले तरी चालेल पण खूप पात्तळ करू नका. एखाद्या उबदार जागी झाकून ठेवा. १०-१२ तासांनी मिश्रण आंबेल आणि फुगून वर येईल.  पिठात १/२ टीस्पून मीठ आणि खूप (घट्ट) जाड असेल तर १/४ कप पाणी घालून पात्तळ करून घ्या. या पीठाचे उत्तपे काढा.

कृती:
१. कांदा,कोथिंबीर आणि बारीक चिरलेली मिरची आवडत असेल तर बारीक चिरलेला टोमॅटो एकत्र करून घ्या.
२. तव्यावर २ टीस्पून तेल घालून तवा गरम करा. तेल तापले कि मोठ्या डावानी पीठ गोल पसरवा. शक्यतो डाव तव्याला घासू नका.म्हणजे उत्तपा एकाच जाडीचा होईल. वाटल्यास तवा थोडा हलवून पीठ पसरवले तरी चालेल.
३. पीठ तव्यावर घातल्यावर वरून  कांदा-कोथिंबीर पसरवा. हाताने हलकेच दाब द्या. सगळ्या बाजूने चमचाभर तेल घाला आणि वरून घट्ट झाकण ठेवा. ३-४ मिनिटे झाकण तसेच राहू दे म्हणजे कांदा वाफेने शिजून येईल.
४. झाकण काढून टाका. उत्तप्याची खालची बाजू गोल्डन ब्राऊन झाली कि उत्तपा उलटवा. बाजूने पुन्हा थोडे तेल सोडा. दोन्ही बाजू छान भाजल्या गेल्यावर गरम गरम उत्तपा- सांबार  , नारळाच्या चटणी बरोबर सर्व्ह करा.

टीप: थंडीत अनेकदा पीठ आंबत नाही. अश्यावेळेस पिठात ड्राय यीस्ट कोमट पाण्यात साखरेबरोबर विरघळवून घालावे आणि मग उबदार जागी ठेवावे म्हणजे पीठ छान फुगून येते. हेच पीठ इडली, डोसा यासाठी वापरता येते. परंतु उत्तप्यासाठी पीठ थोडे पात्तळ करावे लागते.

1 comment:

  1. u know what first time me try kela....sagle friends tar tarif karat hote!!! u just made my sunday....
    Thank u so much..!!!

    ReplyDelete

Dear Readers,
Thanks for visiting 'ruchkarjevan'.
Your comments are valuable to me.
Please feel free to write me Personally at ruchkarjevan@gmail.com

तुमच्या प्रतिक्रिया नक्की कळ्वा!!!