हराभरा कबाब-Harabhara Kabab

Read this recipe in English
सर्व्हिंग: ४ माणसांसाठी

साहित्य:

४ मध्यम उकडलेले बटाटे

१/४ कप भिजवलेली चण्याची डाळ (डाळ ६-७ तास आधीच भिजवून ठेवा)

३ कप बारीक चिरलेला पालक(१ जुडी पालक)

२ टीस्पून आलं-लसूण पेस्ट

३  हिरव्या मिरच्या वाटून  

१ टीस्पून धनेपूड

१ टीस्पून जिरेपूड

१ टेबलस्पून चाट मसाला

१ चिमुट गरम मसाला  

ब्रेडचे ५-६ स्लाइस

३ टेबलस्पून तांदळाचं पीठ

२-३ टेबलस्पून तिळ वरून लावण्यासाठी

मीठ चवीप्रमाणे

तळण्यासाठी तेल

कृती:

१. उकडलेले बटाटे किसून घ्या.त्यात बारीक चिरलेला पालक,आलं-लसूण पेस्ट,हिरव्या मिरचीची पेस्ट,धनेपूड ,जिरेपूड,चाट मसाला,गरम मसाला आणि मीठ घालून कालवून घ्या. डाळ खसखशीत वाटून घ्या आणि पालकाबरोबर बटाट्यात मिस्क करा.
२.ब्रेडचे स्लाइस मिक्सरमधून काढून बारीक करून घाला.सगळा मिश्रण पुन्हा नीट कालवून एकजीव करा.पालकामुळे मिश्रणाला हिरवा रंग येईल.

३.मिश्रणाचे साधारण २" आकाराचे गोळे करून चपटे करा. एका ताटलीत तिळ घ्या आणि गोळा दोन्ही बाजूने तिळावर लावा.म्हणजे त्याला तिळ चिकटतील.

४.गोळ्याला  तांदळाच्या पिठाचा हात लावून तेलात ब्राऊन रंग येई पर्यंत डीप फ्राय करा. गरम गरम कबाब केचप किंवा हिरव्या चटणी बरोबर सर्व्ह करा.