वेजी फ्रॅन्की विथ चीज- Veg Frankie with cheese

सर्व्हिंग: ३  ते ४ माणसांसाठी


साहित्य:
५ ते ६ गव्ह्याच्या एकदम ताज्या पोळ्या ( १/२ ते ३/४ कप गव्हाचे पीठ, १/२ टीस्पून मीठ, १ टीस्पून तेल, पाणी)
१/४ कप बारीक चिरलेला कांदा
१/४ कप पनीरचा  चुरा
३  टेबलस्पून बारीक चिरलेली फराजबी
३  टेबलस्पून बारीक चिरलेले  गाजर
३  टेबलस्पून बारीक चिरलेला फ्लॉवर
३  टेबलस्पून बारीक चिरलेली भोपळी मिरची
३ टेबलस्पून बारीक चिरलेला मशरुम
१/२ कप टोमॅटो चिरून
१ टीस्पून बारीक चिरलेलं आलं
१ टीस्पून बारीक चिरलेली लसूण 
१/४ टीस्पून हळद 
मीठ चवीप्रमाणे
२ टेबलस्पून पुदिन्याची तिखट चटणी
२ टेबलस्पून टोमॅटो  केचप
वरून घालण्यासाठी १/२ कप किसलेले चीज
२ टेबलस्पून बटर
गुंडाळी बांधण्यासाठी रिळाचा / पुडीचा  दोरा

कृती:
१. गव्हाचे पीठ मळून त्याचे १ १/२" गोळे करा. आणि नेहमी लाटतो तश्या गोल पण पोळ्या लाटून घ्या. पोळ्या भाजून त्यांना तूप किंवा बटर लावून झाकून ठेवा.
२. कढईत १ टेबलस्पून बटर गरम करा. त्यात बारीक चिरलेलं आलं-लसूण घालून परता. नंतर कांदा घालून २ मिनिटे परता. हळद घालून परता मग लगेचच टोमॅटो आणि पनीर सोडून इतर सर्व भाज्या घालून परता. मीठ घाला. 
३. झाकण ठेवून भाज्या वापवून घ्या. नंतर टोमॅटो घालून परता मग पनीरचा चुरा घालून परता.गॅस बंद करा. 
४. एका ताटात पोळी घ्या. पोळीला चमचाभर पुदिन्याची तिखट चटणी पसरून लावा. केचप पसरून लावा. डावानी थोडीशी भाजी घाला आणि अलगद  पोळीची गुंडाळी करा. 
५. दो-याने  गुंडाळून एक गाठ मारा म्हणजे गुंडाळी उघडणार नाही. नंतर तवा गरम करा आणि बटरवर  पोळीची गुंडाळी (फ्रॅन्की) दोन्ही बाजूनी भाजून घ्या. फ्रॅन्कीला किंचित  ब्राऊन डाग पडले पाहिजेत.  फ्रॅन्कीला बांधलेला दोरा कात्रीने कापून टाका.गरम गरम फ्रॅन्कीवर चीज किसून घाला आणि सर्व्ह करा. 

3 comments:

  1. ektham chhan,ata karun baghu!thank you

    ReplyDelete
  2. nice and simple recipe

    ReplyDelete

Dear Readers,
Thanks for visiting 'ruchkarjevan'.
Your comments are valuable to me.
Please feel free to write me Personally at ruchkarjevan@gmail.com

तुमच्या प्रतिक्रिया नक्की कळ्वा!!!