बेसनाचे लाडू-Besan ke Laddu

सर्व्हिंग:  अंदाजे १२ लाडू

साहित्य:
२ कप बेसन
१/२ कप साजूक तूप (घट्ट)
१ कप पिठी साखर (टीप क्र.१ बघा)
१/४ टीस्पून वेलचीपूड (टीप क्र.२ बघा)
१ टेबलस्पून बदामाचे कप
१ टेबलस्पून बेदाणे

कृती:
१. कढईत तूप गरम करा. त्यात बेसन घालून व्यवस्थित मिक्स करा. बेसन आणि तुपाचे मिश्रण गोल्डन ब्राऊन होईपर्यंत खरपूस भाजून घ्या.बेसन भाजताना सतत लक्ष ध्या नाहीतर बेसन करपू शकते.
२. सुरवातीला भाजताना बेसन थोडं जड लागेल. परतायला त्रास होईल. सुरवातीला मिश्रण कोरडं वाटेल पण हळू हळू तुपामुळे मिश्रण किंचित पात्तळ दिसायला लागेल.साधारण ४०-४५ मिनिटे सतत भाजावं लागेल. गरज वाटल्यास वरून आणखीन चमचाभर तूप घाला. गोल्डन ब्राऊन रंग आला कि, बेसन आणि तुपाचे मिश्रण हलकं लागेल. किंचित  पात्तळ दिसेल आणि परतायला सोपं पडेल. याचा अर्थ बेसन व्यवस्थित भाजलं गेलं आहे.
३. गॅस बंद करा. ७-८ तास बेसन पूर्णपणे थंड होऊ द्या.
४. पिठी साखरेत वेलची पूड घालून एकत्र करा. बेसन पूर्ण थंड झाला कि त्यात बेदाणे,बदामाचे कप आणि पिठी साखर मिक्स करा. सगळं मिश्रण हाताने कालवून त्याचे लाडू वळा.
टीप:
१.पिठी साखर करण्यासाठी, साखर दळतानाच  त्यात वेलची घालून दळा.
२. दिलेल्या प्रमाणापेक्षा किंचित कमी साखर घाला. चव बघून मग गरज वाटली तर उरलेली साखर घाला.
३. बेसन व्यवस्थित भाजलं गेलं नाही तर लाडू चवीला चांगले लागत नाहीत त्यामुळे बेसनाचे लाडू करताना बेसन छान गोल्डन ब्राऊन भाजणं खूप महत्वाचा असतं.

3 comments:

  1. DEAR ,

    KARANJI RECIPE ADD KARA

    REKHA

    ReplyDelete
  2. Hi Anagha/Rekha,
    Karanjeechi Recipe lavkarach post karin :)

    ReplyDelete
  3. tumchya recipes wachtana agdi aai ch sangte aahe as watate. khupch chhaan. tnx.

    ReplyDelete

Dear Readers,
Thanks for visiting 'ruchkarjevan'.
Your comments are valuable to me.
Please feel free to write me Personally at ruchkarjevan@gmail.com

तुमच्या प्रतिक्रिया नक्की कळ्वा!!!