पाव भाजी-Pav bhaji

Read this recipe in English
सर्व्हिंग: ३ ते ४ माणसे

साहित्य: 
२ ते ३ मध्यम आकाराचे बटाटे
१ कप फ्लॉवरचे तुरे
१ छोटे गाजर तुकडे करून
१/२ भोपळी मिरची चौकोनी तुकडे करून
३-४ फरजबी तुकडे करून
१/४ कप मटार
१ १/२ टोमॅटो बारीक चिरून
१ टेबलस्पून कोथिंबीर
१/२ टीस्पून हळद
१ १/४ टीस्पून लाल तिखट
१ टेबलस्पून लसूण बारीक चिरून
१ १/२ कप बारीक चिरलेला कांदा
२ ते ३ टीस्पून पावभाजी मसाला (मी एव्हरेस्ट किंवा बादशाहचा वापरते)
मीठ चवीप्रमाणे
बटर

लादी पाव किंवा स्लाइस ब्रेड

कृती: 
१. कांदा,मटार आणि टोमॅटो सोडून इतर सगळ्या भाज्या १ कप पाणी घालून कुकरमध्ये उकडून घ्या.कुकर थंड झाल्यावर उकडलेल्या भाज्या मॅश करून घ्या.
२. पातेल्यात २ टेबलस्पून बटर गरम करा त्यात लसूण घाला. खमंग वास सुटला कि १ कप बारीक चिरलेला कांदा २ ते ३ मिनिटे परतून घ्या. मग हळद,तिखट, १ टीस्पून पावभाजी मसाला आणि टोमॅटो घालून तेल सुटेपर्यंत परता.
३. मॅश केलेल्या भाज्या घालून परता.मटार घाला. मीठ आणि पाव भाजी मसाला घालून मिक्स करा. झाकण ठेवून वाफ आणा. आंबटपणा कमी वाटला तर किंचित आमचूर घाला किंवा लिंबू पिळा.
४. पाव बटर लावून भाजून घ्या.गरम भाजी, पावा बरोबर आणि कांद्या बरोबर सर्व्ह करा.