कोथिंबिरीची चटणी-Kothimbirichi Chutney

Read this recipe in English

सर्व्हिंग: १ कप

साहित्य: 

वाटणासाठी- 
१/२ कप खवलेलं ओलं खोबरं
३/४ कप निवडलेली  कोथिंबीर

१-२ हिरव्या मिरच्या

१/२ टीस्पून धनेपूड

१/२ टीस्पून जिरेपूड

१/२  टीस्पून चिंचेचा कोळ

३/४ टीस्पून मीठ

१ १/४ टीस्पून साखर

फोडणीसाठी-

१ टेबलस्पून तेल

१/२ टीस्पून मोहरी

१/४ टीस्पून हिंग

३ कढीपत्ता पाने

कृती:

१. चटणीसाठी वाटणासाठीचं सगळं साहित्य मिक्सरवर १/४ -१/२ कप कोमट पाणी घालून बारीक वाटून घ्या.

२. फोडणीच्या कढईत  तेल गरम करा. तेल चांगले तापले कि,मोहरी घाला. मोहरी तडतडली कि, कढीपत्ता पाने आणि हिंग घालून चटणीला फोडणी द्या.

३. हि चटणी डोसे, इडली,कुठल्याही प्रकारचे  वडे,पोळे यांच्याबरोबर सर्व्ह करू शकता.

चिली सॉस- Chinese Chilly Sauce

Read this recipe in English
सर्व्हिंग: १/२ कप

साहित्य:
५-६ लाल सुक्या मिरच्या
१ टोमॅटो
५-६ लसूण पाकळ्या बारीक चिरून
१ टीस्पून साखर
१/२ टीस्पून मीठ
३ टेबलस्पून विनेगर
२ कप पाणी

कृती:
१. १ कप पाण्यात सुक्या मिरच्या घालून पाणी चांगले उकळत ठेवा.
२. पाणी आटून अर्ध झालं कि त्यात लसूण आणि टोमॅटो बारीक चिरून घाला.
३. २-३ मिनिटे उकळल्यावर टोमॅटो शिजला कि गॅस बंद करा. त्यात मीठ साखर आणि विनेगर घाला.
४. हे सगळं मिश्रण मिक्सरवर वाटून पेस्ट करून घ्या.
५. हा चिली सॉस तुम्ही चायनीज ग्रेविमध्ये वापरू शकता. हा सॉस काचेच्या बाटलीत भरून ठेवला तर फ्रीज मध्ये १ महिना पर्यंत टिकतो.

नारळाची चटणी-Narlachi Chatni

Read this recipe in English
सर्व्हिंग: १ १/२ कप चटणी

साहित्य:

१ कप खवलेलं ओलं खोबरं

१ सुकी लाल मिरची

१/२ टीस्पून उडदाची डाळ

१/४ टीस्पून मेथीदाणे

१/४ टीस्पून मोहरी

३-४ कढीपत्ता पाने

१/४ टीस्पून हिंग

१ टीस्पून आल्याची पेस्ट

२ टेबलस्पून दही (आवडीप्रमाणे)

मीठ चवीप्रमाणे

१/४ टीस्पून साखर

१ १/२ टेबलस्पून तेल

कृती:

१. खोबरे, आल्याची पेस्ट, मीठ आणि साखर किंचित पाणी घालून मिक्सरवर बारीक वाटून घ्या.

२. वाटणात दही मिक्स करा. फोडणीच्या कढईत तेल गरम करा.

३. तेल चांगले तापले कि उडदाची डाळ घाला. डाळ गुलाबी झाली कि, मोहरी घाला. मोहरी तडतडली कि, मेथीदाणे, कढीपत्ता पाने आणि सुकी मिरची २ तुकडे करून घाला.हिंग घालून चटणीला फोडणी द्या.

४. हि चटणी इडली, उत्तपा किंवा मेदू वड्याबरोबर खूप छान लागते.

हिरवी तिखट चटणी -Green Spicy Chatney

Read this recipe in English
सर्व्हिंग: साधारण १ कप चटणी होईल 

साहित्य: 
१ कप कोथिंबीर

१ कप पुदिन्याची पाने

५-६ हिरव्या मिरच्या

१/२ टीस्पून जिरेपूड

१ चिमुट शेंदेलोण

१ चिमुट पादेलोण

१/२ टीस्पून मीठ 

कृती: 

१. कोथिंबीर आणि पुदिन्याची पाने धुवून घ्या. त्यात हिरव्या मिरच्या जिरेपूड, शेंदेलोण,पादेलोण आणि मीठ घाला.

२. ३/४ कप पाणी घालून मिक्सरवर एकदम बारीक वाटून घ्या.

३. हि चटणी चाट बरोबर लागते.खूप तिखट असल्यामुळे तिखटपणाचा अंदाज घेऊन जशी लागेल त्या प्रमाणे वाढून घ्यावी.

टीप: हि चटणी आयत्यावेळेस जशी लागेल तशीच करावी. 

चिंचेची गोड चटणी-Tamarind chatney

Read this recipe in English
सर्व्हिंग: साधारण १ कप चटणी होईल

साहित्य: 
३ टेबलस्पून चिंच
५ टेबलस्पून किसलेला गुळ
१/२ टीस्पून लाल तिखट
१ खजूर
१/२ टीस्पून धनेपूड
१/२ टीस्पून जिरेपूड
मीठ चवीप्रमाणे

कृती:
 १. चिंच १/४ कप पाण्यात १५-२० मिनिटे भिजवून ठेवा. चिंच पूर्ण भिजली कि त्यातच बोटांनी दाबून दाबून त्याचा सगळा गर (कोळ) पाण्यात काढा.
चिंच हाताने घट्ट पिळून काढा. कोळ असलेले पाणी गाळण्याने गाळुन घ्या. नवीन पाणी घ्या. पुन्हा तीच चिंच त्यात बुडवून कोळ काढा. असे २-३ वेळा करा म्हणजे चिंचेचा सगळा कोळ निघून चोथा उरेल.चोथा फेकून द्या.
२.चिंचेचा कोळ गाळण्याने गाळुन घ्या. त्यात एक खजूर (बी काढून) कुस्करून घाला.मिश्रण मिक्सरमधून फिरवून घ्या.
३. मिश्रणात धने-जिरेपूड,गुळ,लाल तिखट आणि मीठ घाला. ढवळून मिश्रण गॅस वर उकळत ठेवा. मिश्रण २-३ मिनिटे उकळल कि ते जाडसर होईल.
४. चटणी पूर्ण गार झाली कि चाट किंवा कुठल्याही कुरकुरीत स्नॅक्स बरोबर खायला द्या.

टीप: चटणी उकळल्यामुळे जास्ती टेस्टी लागते शिवाय २०-२५ दिवस फ्रीज मध्ये टिकते.चटणी जास्ती प्रमाणात आधीच करून ठेवली कि आयत्यावेळेस उपयोगी येते.