सर्व्हिंग: २ ते ३ माणसांसाठी
साहित्य:
१/२ कप खरबुजाचे तुकडे
१ कप जाडे पोहे
१/४ कप नारळाचे दुध
३/४ ते १ कप दुध
२ ते ३ टेबलस्पून किसलेला गुळ
१/४ टीस्पून वेलचीपूड
कृती:
१. पोहे पाण्याने २-३ वेळा स्वच्छ धुवून घ्या. वरून पाण्याचे दोन हबके मारा आणि १५-२० मिनिटे तसेच ठेवून द्या.
२. पोहे छान भिजले आणि फुगून आले कि त्यात गार दुध, किसलेला गुळ आणि नारळाचं दुध आणि वेलची पूड घाला. गुळ वितळेपर्यंत ढवळा.
३. खरबुजाचे तुकडे घाला. तास-दोन तास फ्रीज मध्ये ठेवा आणि थंडगार सर्व्ह करा.
टीप:
खरबूज जास्ती गोड असेल तर त्या प्रमाणे गुळाचे प्रमाण कमी जास्ती करा.
नारळाच्या दुधाच्या ऐवजी नारळ बारीक वाटून घातला तरी चालेल.
हे पोहे ताजे असतानाच खाल्ले तर जास्ती चांगले लागतात. उन्हाळ्यात खायला हे पोहे छान लागतात.
