वडा-पाव-Batata Vada Pav

Read this recipe in English
Servings : ६-७ वडे

साहित्य:
३-४ उकडलेले बटाटे  
२-३  लसूण पाकळ्या+ १/२" आलं +१ हिरवी  मिरची - यांची  पेस्ट  
२ टेबलस्पून कोथिंबीर
४-५  कढीपत्ता पाने
१/४  टीस्पून मोहरी  
१/४  टीस्पून हळद
१ टेबलस्पून तेल
मीठ चवीप्रमाणे  
लादी पाव
वड्याच्या कव्हरसाठी-
३/४ कप बेसन
१/२ कप ते ३/४ कप पाणी
१/४ टीस्पून हळद
मीठ चवीप्रमाणे


कृती:
१. उकडलेले बटाटे सोलून हाताने कुस्करून घ्या. त्यात आलं-लसूण आणि हिरव्या मिरचीची पेस्ट,मीठ आणि कोथिंबीर बारीक चिरून घाला.हाताने छान कालवून घ्या. चव बघून मीठ -मिरचीचे प्रमाण वाढवा.
२. फोडणीच्या कढईत  तेल गरम करा. तेल कडकडीत तापले कि त्यात मोहरी घाला. मोहरी तडतडली कि, कढीपत्ता पाने, हळद आणि हिंग घालून कुस्करलेल्या बटाट्याला फोडणी द्या. हाताने, फोडणी पूर्ण सारणात मिक्स करा आणि त्याचे समान ६-७ (अंदाजे २ १/२"- ३" व्यासाचे)  गोळे करा.
३. वड्याच्या कव्हर साठी-  ३/४ कप बेसन घ्या. त्यात हळद,मीठ आणि बेताचे पाणी घालून एकजीव करा. बॅटर जास्ती पात्तळ किंवा खूप जाड नको.चमच्याने वरून खाली टाकून बघा. तार यायला पाहिजे. साधारण १/२ कप -३/४ कप पाणी घालून बघा. लागल्यास आणखीन पाणी घाला. बॅटर मध्ये १ चमचा कडकडीत तेलाचे मोहन घाला म्हणजे कव्हर कुरकुरीत होईल.
४. वडे तळण्यासाठी कढईत पुरेसे तेल घ्या. तेल तापले कि बॅटरमध्ये सारणाचा गोळा बुडवून तेलात सोडा.वडे सोडायच्या आधी बोटाने बॅटरचा छोटा थेंब तेलात टाका. तो लगेच तळून आला कि तेल तापले आहे असे समजावे. वडे छान गोल्डन ब्राऊन रंग येई पर्यंत मध्यम आचेवर तळून घ्या.
५. पावामध्ये चिंचेची गोड चटणी आणि तिखट चटणी लावून गरम गरम बटाटे वडे खायला द्या.





पाऊस पडत असेल तर आणखीन  छान..हातात वाफाळता चहा आणि 
गरम गरम वडा-पाव.
वा !! कल्पनेनीच मजा आली 

8 comments:

  1. kharach ! pausaat hya dish cha majja veglach, ani to hi rajasthan madye. . .
    Mukul Acharya, kota Rajasthan...

    ReplyDelete
  2. Hi Mukul..Thanks for the comment.

    ReplyDelete
  3. wav vada
    mala khup aawdto aani maza nawryrla pan mi banwte vada pan ha prakar jara vegla distoy mi ha pan prkar nakki karun pahin.


    sonali

    ReplyDelete
  4. kharach aahe ! vada pav malahi khup khup avdto....... ani me hi recipe nakki majhya aaila karayla sangnar aahe.

    ReplyDelete
  5. i made the same way except instead of pouring fodani on mashed potato I fried it for a little while. although it tastes equally good.your receipe is more mouth watering....

    ReplyDelete
  6. खरचं मस्त झाला वडा पाव.

    ReplyDelete

Dear Readers,
Thanks for visiting 'ruchkarjevan'.
Your comments are valuable to me.
Please feel free to write me Personally at ruchkarjevan@gmail.com

तुमच्या प्रतिक्रिया नक्की कळ्वा!!!